Osomabhizimusi akade bekumbukiso walonyaka owe Zim Expo bathi wenziwe kahle umbukiso lo olakhu ukubalethela inzuzo kwezamabhizimusi.

Bathi bazakhulumisana lalabo abaxoxe ngokudlelana ukwenzela ukuthuthukisa amabhizimusi abo.

Omunye wabathokozelele umbukiso lo, uMnu. Johnfet Sibanda, olebhizimusi lokuthengisa imithi koBulawayo, uthi ubukahle umbukiso weZim Expo ngoba ukhulumisane labanye osomabhizimusi ngokudlelana.

“Uyazi ngijabulile kakhulu bengingakhangelelanga ukuthi ngizahlangana lento enje. Bengivakatshile ngingalandanga ibusiness expo kodwa ngithe ngisizwa ngayo ngajabula kakhulu. Ngihlangane labantu abanengi kakhulu ngabona ukuthi abantu balapha ngabantu abafuna ukuthi nga iZimbabwe iyathuthuka … Ngithabile ukuthi ngizuzile abanye engilakho ukudlelana labo kubhizimusi lami.”

Omunye njalo ngoNkosazana Andile Mpofu, othengisa imicilikico etshiyeneyo njalo lakho konke okuhle okugqokwa ngabantu abadabuka kuzwekazi leAfrica. Ngiyajabula ukuthi ngithole abantu abanengi abafisa ukuthi sibelobudlelwano obuphezulu.”

Lokhu kukhuthazwe nguMnu. Quite Ncube, omunye wabaqondisi bombukiso weZim Expo, othi kuyajabulisa ukuthi osomabhizimusi balakho ukudlelana kulandela ukuhlangana kwabo eChicago embukisweni weZim Expo.

“Siyajabula ukuthi umbukiso lo uqhutshwe ngemfanelo njalo kukhanya kulabosomabhizimusi abalakho ukusebenza ndawonye ngesikhathi esilandelayo. Kube kahle kakhulu konke esikwenzileyo.”

Kumbukiso wokudinga isiqamulamayezi oweMiss Zimbabwe USA, uNkosazana Nothando Jack unqobe abanye wathola inkulungwane lamakhulu amahlanu amadola - $1,500, ukudla okulungiswa eHonde Valley lokunye okutshiyeneyo.

Ababili abamlandeleyo kumncintiswano lo nguNkosazana Natalie Mushore (first princess) loNkosazana Nyasha Madzkure (second princess).

Kwezemiculo, akade bekumbukiso lo benelise ukubukela uJah Signal owacula ingoma ethi Stonyen kanye loCindi Munyavi ohlabela okumangalisayo.

Umbukiso weZim Expo wenziwa kanye ngomnyaka edolobheni elikhethwe ngabaqondisi beZim Expo. Inengi impahla ebukisweni weZim Expo njalo lesi yisikhathi sokuthi abadabuka kwele Zimbabwe baxoxe ngokutshiyeneyo.

Uqhubekela phambili umbukiso weZim Expo kulabantu abanengi abadinga amaphepha okuzalwa lama passports njalo kulabanye abathi umbukiso lo ubuqoqwe kahle lonyaka nxa kuqathaniswa lanyakenye.

Abadinga amaphepha la kade begcwele kakhulu kweyinye indawo lapho okwenzelwa khona umbukiso weZim Expo.

Abadinga amabirth certificates ngabadabuka kwele Zimbabwe abalabantwana abazalelwa kwele Melika.

Osomabhizimusi labantu abazimele bodwa labo babukisa impahla yabo etshiyeneyo njalo kuphekwe ukudla kwesintu.

Ibandla leMovement for Democratic Change libukisa impahla enengi eZim Expo njalo liqhuba umkhankaso wokuguqula okwenzakala kwele Zimbabwe lokudingela abesifazana abahluphekayo uncedo olunjenge zembatho lezicathulo.

Kuzakwenziwa lomncintiswano wamantombazana kusihlwa ngoMgqibelo lapho okulamantombazana ayisithiyangalombili angene kumncintiswano lo.

Bonke abancintisayo babona engani bazanqoba. Lokhu kusekelwe nguNkosazana Andile Mpofu, owanqoba kumncintiswano lo ngomnyaka ka2016.

Abadabuka kwele Zimbabwe sebethe gwaqa eChicago eMelika kumbukiso walonyaka weZim Expo.

Omunye wabaqondisi bombukiso lo, uNkosazana Sukoluhle Ncube, uthi izisebenzi zesigodlo seZimbabwe kwele Melika yizo ezisungule umbukiso lo ngokunika abangelamaphepha okuzalwa kanye lawokuhambisa endaweni ezitshiyeneyo amapassports lakho konke abakufunayo.

​

"Esikwenza kakhulu ngoLwesihlanu yikwamukela abantu ngoba njengoba kulabanye abantu abasemisebenzini yabo. Siyamukela abantu sibashengise lapho abafisa ukuhamba khona. Silabantu abavela kuEmbassy. Yikho esikwenza kakhulu ngoLwesihlanu ... Abafuna ukuthi bathole amapassports abo. Siyabe singafuni ukuthi bakhuthwe ngezinye izinto.

"Sikhuluma khathesi bayanika abantu amaphepha atshiyeneyo enjengama passorts. Kulabanye abalama passports angasasetshenziswa labanye njalo abawalahlayo. Ngakho-ke abantu bathola uncedo olumangalisayo."

Uthe kuzakuba lomhlangano wabosomabhizimusi kusihlwa ngoLwesihlanu kulandelwe ngabatshaya umculo abazangena kumncintiswano owe 'Clash of the DJs'.

Kukhangelelwe ukuthi ngoMgqibelo kuzakwenziwa umncintiswano wamantombazana owe Miss Zimbabwe USA. UMaNcube uthi oqobe kulo umncintiswano uzangena kumncintiswano omkhulu oweMiss Zimbabwe.

Kuzaba lombukiso wempahla kanye lokunye okunenginengi okuzalandelwa yimidlalo yokuzilibazisa ngeSonto okuzadlalwa khona inguqu.

Umbukiso omkhulu wezamabhizimusi lokulibazisana owe Zim Expo uqala ngoLwesihlanu edolobheni leChicago khonapha kwele Melika. Longumbukiso wamatshumi amabili selokhu iZim Expo yabunjwa ngabadabuka eZimbabwe abahlala eMelika.

Kukhangelelwe ukuthi kuzakuba labosomabhizimusi ababukisa impahla, abantu abazadlala inguqu, abatshaya imiculo etshiyeneyo, umncintiswano wamantombazana owe Miss Zimbabwe USA kanye labanye abathakazelela umbukiso lo owenziwa kanye ngomnyaka kwele Melika.

Abamele isigodlo seZimbabwe eMelika bakhangelelwe ukuthi bazanika abadabuka kwele Zimbabwe incwadi eziqakathekileyo ezifana lezokuzalwa – ama birth certificates – lokunye okutshiyeneyo kusukela kusasa kuze kuyefika ngeSonto. Akesizwe uGibbs Dube weStudo 7 exoxa ngodaba lolu loMnu. Quite Ncube, omunye wabaqondisi beZim Expo.

Embed share

Ingxoxo loMnu. Quiet Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:14 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Abantu abadabuka kwele Zimbabwe labavela emazweni atshiyeneyo bakhangelelwe ukuthi bazakuthi gwaqa eChicago ngoLwesihlanu embukisweni owe Zim Expo, owenziwa minyaka yonke ngesikhathi sekhefu lokukhumbula amaqhawe kwele Melika eleMemorial Weekend.

Umbukiso lo, oqala ngoLwesihlanu ugqitshwe ngeSonto, ngowokubukisa amabhizimusi, ukuphana amacebo okubumba lokuvuselela amabhizimusi, ukuvula amabhizimusi kwele Zimbabwe, ukulibazisana njalo lokukhuthaza ubudlelwano obuphezulu phakathi kwabantu abadabuka eZimbabwe abahlala kwamanye amazwe.

Kukhangelelwe ukuthi lonyaka kuzakwenziwa umhlangano wabosomabhizimusi, umncintiswano wamantombazana owe Miss Zimbabwe USA njalo kube lomdlalo wenguqu.

Ngaphandle kwalokhu kukhangelelwe ukuthi kuzabe kulokudla kwesintu okunengi lazithunywa zesigodlo seZimbabwe kwele Melika ezizanika abantu amaphepha okuzalwa lamanye aqakathekileyo.

Omunye wabaqondisi beZim Expo, uMnu. Quite Ncube, uthi kunengi okuzakwenziwa lonyaka embukiseni lo osuleminyaka engamatshumi amabili.

Embed share

Ingxoxo Esiyenze LoMnu. Quite Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:48 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala